SES 2011

SES 2011 - ridetu kaj lernu! :)

Ĉu vi planas jam vian ferian tempon por julio-aŭgusto? Tiukaze ni rekomendas al vi ankaŭ partopreni la aranĝon SES (Somera Esperanto-Studado), kiu okazos inter la 30-a de julio kaj la 7-a de aŭgusto 2011 en la urbo Nitra, Slovakio. Samtempe okazos jam la kvara renkontiĝo de lernu!-uzantoj kaj kreantoj. Tie vi povos: viziti Esperanto-lecionojn (en 6 niveloj), partopreni seminarion de ILEI por instruemuloj, aldone ekskursi, vidi koncertojn, gustumi vinojn, iom lerni la slovakan, sportumi kaj fari multajn aliajn aferojn! Vi daŭre dubas, ĉu indas veni? Ne dubu, sed venu kaj vi ne bedaŭros!

Specialaj programeroj: Koncertoj de La Perdita Generacio (el Svedio), de Asorti (el Litovio), KER-ekzamenoj (kaze ke aliĝos sufiĉe da homoj), konkursoj kun valoraj premioj ktp.

Pli da informoj: www.lernu.net/ses