Ne NASK, sed...

Lastajare kaj refoje ĉi-jare mia frato kaj mi konsideris iri al NASK, sed ne povis: Mankas kaj tempo kaj mono. Ni tamen volas plibonigi nian esperantan kapablon. Do, ni decidis, ke ni faru ion, eĉ se ĝi ne estas NASK.

Fakte, ni havos nekutime bonan situacion por studi la lingvon. Mia frato, kun aliaj familianoj, baldaŭ vizitos min. Do ni havos suprize grandan samlokan grupon: mi, mia frato, mia patrino (ankaŭ esperantisto), kaj eble kelkaj membroj de mia loka grupo (almenaŭ kvin membroj pasos la someron ĉi tie).

Ni komencos je ĉiu nivelo de kapablo, de mia nepo (komencanto, kiu koncentis klopodi lerni la lingvon dum la vojaĝo) ĝis mia frato (kiu parolas sufiĉe flue). Evidente, ne ĉiuj volos fari la tutsamajn lernagojn.

Ni ankoraŭ cerbumas pri la plej bonan formon por nia ne-NASK. Ni mankas instruistoj. Tial ĉiuj (krom eble komencantoj) devos memplani kaj memtrakti la aferon. Laŭ mi, tio ne estas severa malfacilaĵo. Ni mem povas decidi kion ni lernu. Bezonas nur honesta, atenta pensado.

Ni ne volas limi la aferon al lokaj homoj! Iuj, kiuj volas plibonigi la esperantan kapablon ĉi-somere rajtas partopreni en nia ne-NASK. Kreu planon por lerni tion, kion vi plejgrave devas lerni; verku pri la plano kaj pri kiel la afero progresas. (Ĉi tie, en via blogo je Esperanto-USA, estus bona loko por dokumenti la aferon.)

Ĉar ni devos memgvidi la aferon, ni nomas ĝin la Memgvidita Usona Somera Kurso: MUSK.