Nova kontaktilo

Karaj estraranoj:

Post la ŝajna malsukceso de la klopodo starigi retejon por la Estraro ĉe Google Sites, mi akceptas kun ĝojo la proponon de S. Brewer, ke ni uzu nian propran retejon por komunikado kaj diskutado.

Do, jen ni denove. Unue, mi volas denove kontroli, ĉu tiu ĉi estas plaĉa por vi ĉiuj, ĉu ĉiuj pretas uzi ĝin. Kiam vi legas tiun ĉi mesaĝon, bonvolu almeti komenton, tiel ke ni sciu, ke ni estas en kontakto. Estas nun sufiĉe multe da aferoj pri kiuj ni devas interkonsenti, kaj mi volas tuj ekuzi tiun ĉi komunikilon.

NOTU: Via agnosko kaj akcepto de tiu ĉi invito al kunlaboro okazu dum la sekvantaj SEP tagoj. Venontlunde mi rekte kontaktos homojn kiuj ankoraŭ ne reagis al tiu ĉi peto.

Mi dankas vian paciencon en la procezo trovi la ĝustan ilon por komunikiĝo.