Skip to main content

Pri kuloj kaj puloj kaj cimoj kaj formikoj kaj

Haruo Ros's picture

Mi opinias, ke unu el miaj plej sukcesaj versaj tradukoj estas

Eĉ cimojn mordas pli etaj cimoj,
kaj tiel plu, sen fin', sen limoj.

La angla originalo estas

E'en fleas have smaller fleas to bite 'em,

And so it goes, ad infinitum.

Kiu verkis tion? Ĉu ĝi estas en la Biblio? Nu, eble. Tamen la cititaj versoj estas varianto de teksto respurebla ĝis Jonathan Swift. Vidu la anglan Vikipedion pri "Ad infinitum".

Sed la ĉefcelo de ĉi blogero estas aserti, ke mia ŝanĝo al "bedbugs" tute ne difektas la tradukon. Ĉu iu malkonsentas, kaj se jes, kiel tiu solvus la defion?

Haruo

by Haruo Ros

Comments

komentoj

russ's picture

Ne ĝenas min la ŝanĝo de puloj al cimoj, sed la ritmo en la unua verso, kiu ŝajnas havi ekstran silabon.

La originala fluas regule:
v-v-v-v-v
v-v-v-v-v

Sed via fluas tiel kun (por mi) stumblo en la mezo de la unua verso:
v-v-vv-v-v
v-v-v-v-v

Venas rapide al mia kapo la jenaj malnetaj proponoj ne kontentigaj al mi, sed eble inspiraj aŭ pensigaj:

Eĉ pulojn mordas puloj pli malgrandaj
Do la pularoj estas do senrandaj.

(2 ekstraj silaboj en la versoj)

-----

Eĉ pulojn etaj puloj mordas.
Senlima vico tiel ordas.

-----

Kaj malpli strikte kaj malpli serioze:

Eĉ pulo malgranda konstante mordante
Mordetas la pulon pli grandan...

:)

August 2, 2011 by russ, 6 years 3 weeks ago

Kaj en Kubo tiuj bestetoj ecx havas propran nomon!

ormonto's picture

Jen hispanlingva vorto kiun vi povus uzi por surprizigi viajn kubajn amikojn (eble temas pri generacia slango, zorgu ke via surprizoto estu pli malpli kvindek-jara): "pirintintilla". Kio ĝi estas? Ĝi estas la ftiro de la ftiro... :-)

July 30, 2011 by ormonto, 6 years 3 weeks ago

Puloj kaj cimoj kaj kuloj, ho ve!

Lee Miller's picture

Eĉ pulon pikas eta pulo,
Ĝis infinito laŭ regulo.

July 24, 2011 by Lee Miller, 6 years 4 weeks ago

Contact us / Kontaktu Nin

Contact Us / Kontaktu Nin: eusa@esperanto-usa.org

Landa Kongreso * 2017 June 30 - July 3 * Annual Congress

EO Esperanto: La Landa Kongreso 2017 okazos en Raleigh, Nord-Karolino, Usono, 2017 ekde la 30-a de junio ĝis la 3-a de julio, 2017.
Retpaĝaro: https://landakongreso.org
Por aliĝi, vidu: Aliĝilo

EN English: The Annual US Esperanto Congress 2017 will be in Raleigh, North Carolina, USA, Jun 30 - July 3, 2017.
Website: https://landakongreso.org
To sign up, see: Registration

NASK * 2017 jul 4 - 13 * Summer Courses

EO Esperanto: La bonega kursaro NASK - Nord-Amerika Somera Kursaro okazos de la 4-a de Julio ĝis la 7-a de Julio ĉe Raleigh, Norda Karolino, ĉe la Universitato William Peace. Por vidi pli da detaloj aŭ aliĝi, klaketu ligilon NASK.

EN English: The excellent North American Esperanto Summer Courses (NASK), will be happening from July 4 to 13th, at William Peace University, in Raleigh, North Carolina. To see more details or sign up, click on NASK.

Poll

Which NASK is best for you?:

Current Bloggers

Premium Drupal Themes by Adaptivethemes