ludo
Venas la naskiĝotago de mia plej juna filo. Por li mi konstruis ludon "Skrablo", bazita sur anglalingvaj tabulo kaj tegoletaro. Por adapti la tegoletojn mi uzas bildetojn de boardgamegeek.com, fiksite per duflanka glubendo. Por fari la regularon mi kopiis kaj iom reformatigis tiun de skrablo.ikso.net kaj presis librete. (Dankon al limako pro la ideo!
Joop Kiefte skribis al kelkaj traduklistoj:
Karaj, mi iam skribis gvidilon kiel instali la ludon OpenTTD tiel ke ĝi funkciu tute en Esperanto. Tiu gvidilo baldaŭ tute ne plu necesos. Versio 1.0.0 de OpenTTD baldaŭ venos, kaj tio signifas kelkajn tre interesajn trajtojn. Plej grave, ĝi NE PLU dependos de la malnova ludo Transport Tycoon Deluxe kaj do estos TUTE LIBERE DISPONIGEBLA. Tio signifas ankaŭ ke ni povos enigi la ludon senprobleme en ekzemple diskoj de Esperanto. Eĉ per eta artifiko eblas meti ĝin tuj ludebla en disko kaj konfigurita jam en Esperanto.
Hodiaŭ aperis surrete nova ludo pri “alternativa realeco” en kiu Esperanto ŝajne ludos gravan rolon.
Laŭ filmeto ĉe la oficiala retejo, temas pri junulino suferanta de amnezio, kiu vekiĝas en sudafrika maiz-labirinto kun mistera tatuaĵo surbraka. En ĝi legeblas kvar vortoj en senmakula Esperanto: “Trovu la ringon perditan.” Jen artikolo pri la afero (anglalingva).
Kaŝita profunde en leĝa kontrakto ĉe la retejo troviĝas eta mencieto pri la subtenanto... la firmaego McDonalds.
Ĉu pluaj Esperantaĵoj aperos? Ni vidu....
Jam senpage haveblas bonega TTT-skrablejo fare de Argilo — brila otavano Clayton Smith. Sed kion fari se oni dezirus skrablumi malvirtuale?
Kelkfoje mi vidis, ke skrablo-maniuloj ĉizis aŭ brulmarkis proprajn tegoletojn por uzo kun anglalingva tabulo. Kiom da laboro!
